الأربعاء، 15 أبريل 2009

القلقاس المصرى ... بالصور



المقادير:


2 كيلو قلقاس ... وهتشاهدوه بالصور ..شكله..
ثوم.... بصله... سمن بلدى فاخر ... بهارات( شطه .. ملح.. فلفل اسمر).
دجاجة بلدى .. على حسب الحجم... انا بحبها كبيرة ودسمه..
وطبعا بيبقى جنبه طبق ارز... كزبره خضراء.. سلق ...( ده بيبقى لونه اخضر مثل الفجل ).

الطريقه:

اولا طبعا بنحضر القلقاس قبلها بيوم مع الخضرة بتاعته...
ونقشره ونقطعه مثل المكعبات الصغيرة ... وهنشاهد بالصور .. ما هو القلقاس
وكيف بيكون تحضيره ... وبعد ما جهوناه .. نغسله ونضعه فى ماء ساخن ..
وفيه بيغسلوه بالليمون ووقتها ..
انما انا بحب اعمل ذى ما ماما عودتنا قبلها بيوم لانه بينزل ميه مش كويسه
وده غلط فى الشوربه ... بتبقى طعمها مش طيب .. المهم ما علينا هنحضره ..
والخضرة نغسلها جيد الكزبره ونحضرها فى مصفاه صغيرة .. وايضا السلق هناخد بس اوراقه ..
الصوره الاولى الكوزبره الخضراء..

السلق بعد تقطيعه واخد اوراقه



القلقاس .. واحده بقشرها وواحده متقشرة



التحضير:


اولا بناخد الدجاجة ونغسلها جيدا ثم نقوم بطهيها على النار سلقها مع ملح
فلفل بصله حبهان ومستكه واعشاب ... نسيت اصورها مخصوصا لشوربه
الدجاج... المهم ... نضع الجاجة .. تستوى.. ونقوم نسلق السلق ..
وبعد سلقه جيدا .. نصفيه فى مصفاه مع الفكر او طحنه باليد ممكن نعمل كده بالكبه .. او مطحنة الكبه ..
بس انا لا احب الا الطبخ بتاع جدتى وولدتى بعمل كل حاجة بايدى .. بس بصراحة بلبس جوينتى خفيف للنظافه..
المهم نقشر الثوم ونضعه عليه الشطه والكوزبره... ونقوم بطحنهم مع بعض ..
وبكده يبقى حضرنا كل حاجات القلقاس ... نيجى للقلقاس نفضل بقى نغسله جيدا تحت الماء عدة مرات ومرات ...
لغاية لما يكون فى الايد كده مفهوش مادة ملزجه او سميكه ...
وبعد ما تستوى الدجاجة .. بنطلعها ونضع فى الشوربه القلقاس .. شويه صغننين ونضع عليه السلق ..
ام الكزبره والتوم ديه بنحمرها بشوية سمن وفى الاخر نضعها على القلقاس ..
ونكون عملنا طبعا الارز بالشعريه انا بحبه كده ..
وبالهنا والشفا ..


اتركم مع الصور..





تكملة الغسيل والشكل النهائى للاكله





ليست هناك تعليقات:

إرسال تعليق

Welcome


بالله عليكم تدعو لأمى ربنا يشفيها ويخليها لينا أمين يارب العالمين


الدعاء أمانه فى رقابتكم ليوم الدين

المصحف الفلاشى

بالله عليكم تدعوله

ادعو معي لابي فهو الان يسأل

اللهم اغفر له وارحمه، وعافه، واعف عنه، وأكرم نُزُله، ووسع مُدخلهُ، واغسله بالماء والثلج والبرد، ونقه من الخطايا كما ينقى الثوب الأبيض من الدنس، وأبدله دارًا خيرًا من داره، وأهلًا خيرًا من أهله وزوجًا خيرًا من زوجه، وأدخله الجنة، وأعذه من عذاب القبر ومن عذاب النار.

اللهم اغفر لحينا و ميتنا، وشاهدنا و غائبنا، وصغيرنا و كبيرنا، و ذكرنا و أُنثانا، اللهم من أحييته منا فأحيه على الإسلام، ومن توفيته منا فتوفه على الإيمان، اللهم لا تحرمنا أجره ولا تضلنا بعده.

اللهم إن سيد بن علي في ذمتك، وحبل جوارك، فقه من فتنة القبر وعذاب النار، وأنت أهل الوفاء والحق. فاغفر له وارحمهُ إنك أنت الغفور الرحيم.

اللهم عبدك وابن عبدك وابن أمتك احتاج إلى رحمتك، وأنت غني عن عذابه، إن كان مُحسنًا فزده في حسناته، وإن كان مُسيئًا فتجاوز عنه.