تنشيف النعناع ... بالصور

الطــــــــــــــــــــريقة

نشيل الورق من الاغصان ونغسلة بوعاء كبير

نضعة بمصفه للتصفيه

وهذا شكل وعاء التصفية ونشفي ورق النعناع جيداُ

ونضعة في سفرة فوق طاولة

نضع النعناع .. بمفرش بلاستيك ..سفرة .. وتكون السفرة فوق طاولة .وننشرة جيداُ ويوضع بمكان جيد التهوية . ونشغل المروحة او مروحة المكيف ونتركة يوم كامل ..حتى ينشف مع التقليب المستمر

وهنا بعد مانشف

ونضعة ببرطمان وتمتعي بنعناع ذو رائحة زكية

وهنا طريقة حفظ النعناع طازج نشيل الورق من الاغصان بدون غسل واضعة بعلب ممتازة وضعي فوق تحت النعناع ورق او منديل ويجلس لعدة ايام ..

تجميد الأعشاب

سيدتي...يمكنك تجميد الأعشاب الطازجة بوضعها داخل مكعبات ثلج ترص داخل اكياس بلاستيكية حتي يمكنك استخدامها عند الحاجة بعد

فترة طويلة‏.

تجميد اللحوم

طلعيها من الكيس البلاستيك وبعد كده حطيها في حلة وحطيها في التلاجة على الرف اللي تحت الفريزر لمدة أربع ساعات وبعد كده هاتي كيس بلاستيك ناشف وحطيها فيه وفرغي أي هواء في الكيس واقفليه كويس وشيليه في الفريزر.. نفس الشيء ده هتعمليه مع اللحمة المفرومة.

تجميد الأسماك

بعد ما تروحي البيت على طوول طلعي السمك من الكيس بتاعه وابدئي في تنظيفه كويس.

ودي طريقة تنظيف السمك:

1. امسكي وسط السمكة وقشري جلدها باتجاه الرأس بسكين أو بحافة سكين غير حادة.

2. قصي الزعانف بواسطة مقص حاد. شقي جانب السمكة بسكين حادة كبيرة من أسفل رأسها حتى بداية ذيلها وتأكدي من أنها قد شقت جيداً من الداخل شيلي الأمعاء ونظفي بطن السمكة كويس.

3. بعد كده ابدئي في تنظيف السمك بالميه الباردة وبأكد بالميه الباردة وبعد كده حطيه في مصفاة وسيبيه علشان يصفي ميته وحطيه في كيس بلاستيك ناشف وشيليه في الفريزر.

حفظ الخضروات الورقية زي "النعناع والبقدونس والشبت والكزبرة والجرجير"

أحسن طريقة لحفظ الخضروات الورقية في الثلاجة طازجة لأطول فترة ممكنة هي إنك تلفيها في فوطة نظيفة وبعد كده تحطيها في كيس بلاستيك وتحطيها في التلاجة.

حفظ الطماطم

لو كانت الطماطم طرية يبقى اغسليها كويس وبعد كده قطعيها واضربيها في الخلاط لغاية ما تبقى عصير بعد كده صفيها وحطيها في أكياس نايلون ناشفة وحطيها في الفريزر لحين الاستخدام.

لكن لو كانت الطماطم جامدة يبقى حطيها في مصفاه وحطيها في التلاجة زي ما هي.

حفظ الفلفل والقرنبيط والجزر

ممكن تشيلي الفلفل الرومي بالتجميد عن طريق إنك تغسليه وتقطعيه شرائح طويلة أو مكعبات، وتحطيه في أكياس نايلون وبعد كده تحطيها في الفريزر، ونفس الشيء ده هتعمليه مع القرنبيط والجزر.

حفظ البامية

هاتي البامية اللي إنتي عايزة تجمديها واغلسيها كويس وبعد كده حطيها في مصفاه علشان تتخلص من أي ميه فيها....

بعد كده هاتي السكينة وابدئي في تقميع البامية بإنك تشيلي الجزء العلوي منها بشكل هرمي واوعي تقطعيها من النص أو من الطرف لأن ده ممكن يخليها تنزل العصارة اللي فيها.

بعد كده اغلي ميه وحطي عليها نصف ليمونة ومعلقة ملح بعد كده حطي فيها البامية لمدة خمس دقائق وبعد كده شيليها من الميه المغلية، وحطيها في مصفاة وافتحي عليها الحنفية بميه باردة بعد كده سيبيها شوية علشان تصفي الميه اللي فيها...

بعد ما تتأكدي إنها مبقاش فيها ميه نهائي هاتي كيس نايلون وحطي فيه البامية بس خدي بالك وإنتي بتحطيها إنك تفرغي الكيس من أي هواء بعد كده اقفلي الكيس كويس وحطيه في الفريزر..

حفظ البسلة والفاصولياء

هاتي البسلة وفصصيها واغسليها كويس وحطيها في المصفاة.

بعد كده هاتي حلة كبيرة فيها ميه وضيفي ليها معلقة كبيرة ملح وسيبي الميه تغلي على النار بعد ما تغلي ضيفي إليها البسلة وسيبيها لمدة 5 دقائق بعد كده حطيها في المصفاة واغسليها على طول بميه باردة من الحنفية وده علشان تحافظي على لونها الأخضر وعلى القيمة الغذائية اللي فيها.بعد كده سيبيها شوية علشان تصفي الميه اللي فيها...

بعد ما تتأكدي إن مابقاش فيها ميه نهائي هاتي كيس نايلون وحطي فيه البسلة بس خدي بالك وإنتي بتحطيها إنك تفرغي الكيس من أي هواء، بعد كده اقفلي الكيس كويس وحطيه في الفريزر... ونفس الشيء مع الفاصولياء..

حفظ ورق العنب

هاتي ورق العنب واغسليه كويس وبعد كده حطيه في ميه مغلية لمدة 3 دقائق وشيليه منها وحطيه في مصفاة يصفي ميته ويبرد بعد كده لفيه في فوطة ناشفة وحطيه في أكياس نايلون بس برضه اتأكدي إن الكيس مفيهوش أي أثر للهواء وبعد كده حطيه في الفريرز.

حفظ الملوخية

هاتي الملوخية وقطفيها واغسليها كويس وحطيها في مصفاة علشان تصفي ميتها كويس وبعد كده خرّطيها وحطّيها في أكياس نايلون ناشفة وحطيها في الفريزر.

حفظ البصل والثوم والبطاطس

دول مش محتاجين إنك تحطيهم في التلاجة لأنك ممكن تحطيهم في مصفاة وتحطيهم في أي زاوية من زوايا المطبخ..

حفظ الفاكهة

من الممكن إنك تغسليها وتنشفيها كويس وبعد كده تحطيها في كيس بلاستيك ناشف وتحطيها في الثلاجة أو الفريزر..

أو ممكن تعمليها عصير وتحطيها في الفريزر.

حفظ البهارات والتوابل

يا ريت تحتفظي بالبهارات في مكان جاف؛ لأن الحرارة أو الرطوبة الزايدة بتخلي الأعشاب والبهارات الجافة تفقد نكهتها بسرعة.

علشان كده يا ريت ما تخزنيش الأعشاب والبهارات الجافة بالقرب من أفران الغاز أو المايكروويف أو أي مصدر للحرارة أو الرطوبة زي أجهزة غسل الصحون وغلايات الماء.

وخليكي دايما عارفة إن الأعشاب والبهارات دي لو خزنتيها بشكل صح فده ممكن يخليها تحتفظ بنكهتها لمدة عام أو اتنين.

حفظ الحبوب زي الفول والعدس

ممكن تحطيها في أكياس بلاستيك وتقفليها كويس ودخليها التلاجة..

حفظ الياميش والمكسرات

بالنسبة لياميش المشمشية والتين المجفف والمكسرات ممكن تحيطهم في أكياس وتحطيهم في التلاجة.

حفظ الجبن القريش

ودي أكيد كلنا بنحبها في رمضان وأحسن طريقة علشان تحافظي على الجبنة القريش في التلاجة أكبر فترة هي إنك تحطيها في لبن بارد ومعاها قرن فلفل أخضر حامي.

أو إنك تغلي كوباية ميه وبعد كده تسيبيها لغاية ما تبرد وبعد كده تضيفي إليها شوية ملح وتحطي فيها الجبنة وقرن شطة أخضر حامي.

تجميد التوت ...........بالصور

التوت يغسل وينقى من الشوائب ويعبا في اكياس في الفريزراو تعمليه مربى

طبعا التوت يجي لونين

حفظ الفلفل.................بالصور

الفلفل يغسل ويشق وينظف من البذور ويحفظ

تجميد التين...............بالصور

التين ايضا ما يعيش فتره طويله في الثلاجه قشريه وقطعيه وشيليه في الفريزر

وممكن تاخذي منه كم حبه وتخلطيها مع اي نوع مربى تحبي تسوي بالذات البرتقال