كيكة النوتيلا ... بالصور

المقادير


حليب عادي او حليب بالكاكاو ..

نوتيلا ..

3 علب قشطة نستله ..

2 دريم ويب ..

باوند كيك ..

هيرشي للتزين ..


الطريقه ..


اول شي نجهز القالب المتحرك اللي ينرفع او قالب الجيز كيك اللي ينفتح ..


ونبتدي نقطع الكيك شرايح اقرب للسمك على حسب الارتفاع اللي تحبين


بعد ما رصينا الكيك في القالب نبتدي نشربه بشوية حليب


وهنيييه بعد ماتشربت الكيكه بالحليب


وبعد ما انتهينا من الطبقه الاولى نبتدي نجهز الطبقه الثانيه (طبقة النوتيلا)


وهي عباره عن :


القشطه .. ومن ثم النوتيلا..



وفي مله ثانيه نخلط الدريم ويب مع نص فنجان ماي بااارد جدا ونحركها اللين تغلظ وتستوي كريميه بها الشكل ..


ونحطها على النوتيلا



ونبتدي نحركها ..



اللين تستوي مزييييج بها الصوره



نصب جزء منها على طبقة الكيك




ونرجع نكرر مره الثانيه نرص طبقه ثانيه من الكيك


ونشربه بالحليب ..

ونحرص انه ماتكون فيه اي فراغاااات في طبقة الكيك..


نحتفظ بمقدار من كريمة النوتيلا ونصب الباقي علييه ونسويه بحيث تكون الطبقه مرتبه ..



نغطي القالب ونغطي الجزء اللي احتفظنا فيه من كريمة النوتيلا ونحطهم في الثلاجه ..

أنا عادة احب اسويها قبل التقديم بيوم .. بس ممكن تخلينها 4 ساعات او أقل قبل التقديم ..


بعد ما تتماسك وقبل التقديم بربع ساعه نطلعها من الثلاجه وتكون بها الشكل ..


نيب كريمة النوتيلا ونغطيبها اطراف الكيكه ..


ونبتدي نزينها ب سائل الكاكاو (هيرشي)




ونقصصها وممكن تزينين الصحن والكيكه مره ثانيه بسائل هيرشي ..

الــقــشــد "من الأطباق الشتوية السعودية " ... بالصور

المقادير:

¾ أصبع زبدة إلى أصبع

كاس ونص طحين بر

كاس أو أقل (حسب الرغبة) تمر كنيز بدون القمع والنوى ..

يعني شيلي النواة والقمع منه

أنا أحط تمر خلاص

نقطة مهمة: لا تحطين تمر معبوط أو اللي يسمونه معجون التمر

½ علبة زبادي

فيه ناس يحطون لبن .. لكن عندي الزبادي ألذ

الطريقة:

نذوب الزبدة

ثم نضيف الدقيق ونحرك بالملعقة الخشب باستمرار

الين تطلع ريحة الدقيق .. موب ريحة حرق .. بس ريحة تحميص

بعدين نضيف التمر


ونحركه بسرعه ونخلطه مع بعض .. والتحريك يكون كأنك (تدقين)

يعني شفتي لما تدقين شيء في النجر (الهاون = الجرن)

كذا تسوين تدقين التمر عشان يتجانس وبعدين تقلبينه شوي وبعدين تدقين وتقلبينه

إلين تحسين ان التمر تجانس مع الدقيق ..

والأفضل تكون بعض قطع التمر باينة يعني مايصير معجون تماماً

(هنا مابانت قطع التمر .. التصوير كان بالجوال إضافة إلى أن التمر اللي عندي كان لين فتجانس أغلبه مع الدقيق)

بعدين أضيفي الزبادي وقلبيه بسررررعة قلبتين بس ..

وارفعيه من على النار .. وقلبيه شوي

وبعدين حطيه في الحافظة

يقدم مع القهوة

أو الحليب السااااااخن المخلوط بالسكر و الزنجبيل والهيل والفلفل