الخرشوف المحشي باللحمة المفرومة.....بالصور

ده طبق معروف قوي وفيه ناس كتير بتحبه لأنه طبق بسيط وغني بالعناصر الغذائية اللي محتاج إليها الجسم ودي أبسط طريقة ممكن تعمليه بيها ومش هياخد منك وقت خالص..

المقادير:


• نص كيلو لحمة مفرومة.

• 2بصلة مفرومة.

• معلقة ثوم مفرومة.

• 2 ملعقة دقيق.

• كوب لبن.

• 2 كيس خرشوف جاهز.

• جبنة مبشورة.

• زبدة.

• شرائح جزر مسلوق "للتزيين"

الطريقة:

• أول حاجة هبتدي أعصج اللحمة المفرومة بأني أحط الزيت في طاسة وأضيف إليه البصل وبعدين معلقة صغيرة ثوم مفروم وأقلبهم مع بعض لغاية ما البصلة تبدأ تذبل، هضيف إليها اللحمة المفرومة والبهارات والفلفل وأقلبهم كلهم مع بعض لغاية ما اللحمة تستوي هضيف إليها الملح.

• هبتدي أعمل الصوص الأبيض وهو عبارة عن معلقة زبدة + 2 معلقة دقيق + كوب لبن وأقلبهم باستمرار وأثناء التقليب أضع نص كوب جبنة مبشورة وأزودهم بشوية ماء مع التقليب علشان مفيش حاجة تكلكع مني.

• هجيب الخرشوف وهحطه في طبق البايركس وهبتدي أحشي الخرشوف باللحمة المفرومة.

• ومن فوق اللحمة هحط الصوص الأبيض اللي أنا عملته وأغطي بيه الخرشوف والصينية كلها وبعد كده أحط شوية جبنة مبشورة فوق الوش... هدخله الفرن تحت الشواية لمدة عشر دقائق وبعد كده أخرجه وأجمله بشرائح الجزر المسلوق.



ده الشكل النهائي لطبق الخرشوف المحشي باللحمة المفرومة...وبالهنا والشفا