شوربة البصل بالتوست والجبنة ........ بالصور

المقادير:

• كيلو بصل.

• ملح / فلفل / زعتر / حبهان.

• زبدة.

• 2/1 كوب جبنة رومي مبشورة.

• 5 أكوب شوربة فراخ.

• توست ناشف.

الطريقة:

• أول حاجة هبدأ أقطع البصل كله إلى شرائح متساوية في الحجم.

• هجيب حلة وهحط فيها ملعقة زبدة وهحطها على النار وهضيف إليها البصل اللي عندي وأقلبهم مع بعض لغاية ما البصلة تدبل.

• بعد كده هضيف للبصل الشوربة والزعتر والحبهان والملح والفلفل ونخليه على النار لغاية ما يستوي..

• هجيب التوست وأحط عليه الجبنة المبشورة وبعد كده أدخله في الفرن علشان الوش يحمر.

• بعد كده هجيب طبق الشوربة وهحط فيه شوربة البصل وعليها قطع التوست بالجبنة المبشورة.

ده الشكل النهائي لطبق شوربة البصل...وبالهنا والشفا